lenga d'oc "patrimoni mondial de l'umanitat"

sostenh de l'inscripcion de la Lenga d'òc dins la lista UNESCO Patrimòni Immaterial a risc d‘extincion /Urgenta salvagàrdia e per renforçar la manifestacion dal 24 d'octobre 2009 a Carcassona "Anem Òc! per la lenga occitana"
Chaminem per Òc es un projèct en ret ideat da la Chambra d'òc



Chaminem per Òc es un projèct que se prepausa de butar en ret, da las Valadas Occitanas d'Itàlia a l'Occitània granda e la Val d'Aran en Catalonha, de chaminadas a sostenh de l'inseriment de la lenga d'òc dins la lista UNESCO Patrimòni Immaterial de l'Umanitat e a sostenh de la manifestacion de Carcassona "Anem Òc! Per la lenga occitana".
A tal fin la Chambra d'òc a ideat una marca de qualitat e de ret per l'iniciativa sonaa "CHAMINEM PER ÒC!, prepausaa dins las grafias clàssica e mistralenca e dins las versions pan-occitanas mai comunas de "Chaminem per òc!" e "Caminem per òc!". La marca pòl èsser descharjaa directament da internet. (veire al fond de l'article)
Coma se debana l'iniciativa? Dal 1 d'abril al 23 d'otobre 2009 las Associacion, las Comunas, las Associacions de Comunas, lhi Oficis dal Torisme, lhi Parcs, lhi Ecomusèus, lhi Dipartiments, las Regions e tuchi aquilhi que n'an l'envuelha pòlon prepausar un'iniciativa de chaminada d'una o mai jornadas que dise lo jorn, lo luec e l'ora de partença embe una pichòta descripcion dal percors e mai lhi riferiments de l'associacions o de l‘ent responsable de la mesma.
La Chambra d'òc pilha l'impenh a coordinar l'iniciativa en publiant lo calendier complet de las prepausas de las chaminadas que venerèn comunicaas pas delai dal 15 de mars 2009.
Las entitats qu'aderisson a la ret s'impenhon a butar la marca de ret dins la publicizacion de lor iniciativa e a far conéisser al públic mai larg e ai mass media las miras que son prepausaas.
Tuchi aquilhi qu'an aderit a la ret "Chaminem per òc!" s'impenhon a reflechir sus un'iniciativa comuna que rende visibla a Carcassona la ret que s'es creaa e las iniciativas que son estaas realizaas.